Ақтөбе облысы білім басқармасының Ойыл ауданы
білім бөлімінің «Жолшы» бөбекжай-бақшасы» МКҚК
ГККП «Ясли-сад «Жолшы» отдела образования
Уилского района Управления образования Актюбинской области

Балабақша өмірінен

Мекеменің қысқаша тарихы.

«Жолшы» бөбекжай-бақшасы» МКҚК - 1992 жылы пайдалануға берілген. Негізінде бақша сол кездегі аудан орталығындағы « ДЭУ-40» мекемесінің қаржысына, мекеменің жұмысшы-қызметкерлерінің өз күштерімен салынған болатын. Ондағы мақсат,осы мекеме қарамағындағы жұмысшы-қызметкерлердің балаларын балабақшаға кезексіз орналастыру және де олардың отбасы мүшелерін жұмыспен қамту еді.Заман талабына сай салынған бұл ғимарат қазіргі таңда бүлдіршіндердің сүйікті мекені.

Ғимараттың жалпы алаңы: 453,6 кв.м

Материалдық-техникалық базасы: Бақшада 2 топ жұмыс жасайды. Мұнда балалардың 2 ойын бөлмесі ойыншықтармен,әр түрлі ойын бұрыштарымен жасақталған.Топтарда 2 телевизор,1 проектор тақтасымен пайдаланылуда.Топтардың 2 жатын бөлмесі де төсек орындармен,жаңа төсек жабдықтарымен жаңартылған.

Ақпараттық анықтамасы: «Жолшы» бөбекжай-бақшасы» 1992 жылы пайдалануға берілген. 1 қабатты ғимаратта орналасқан. Ғимараттың сиымдылығы 55 орындық. Бүгінгі таңда бақшада 55 бала тәрбиеленуде. Білім беру ұйымында 8 педагог қызмет жасауда, олардың 75 % жоғары білімділер, педагогтардың 87,5% жоғары және І санаттары бар.

Білім беру ұйымының басым бағыттары:

Бөбекжай-бақша негізінде мектепке дейінгі тәрбие мен оқытудың мемлекеттік жалпыға міндетті стандарты белгілеген 5 бағыт бойынша оқу-тәрбие жұмысын жүргізеді.Олар: «Денсаулық»,«Таным», «Коммуникация», «Шығармашылық», «Әлеумет» білім беру салалары